DON BOSCO IKASTETXEA

CIFP Don Bosco LHII 60 urte baino gehiagoko historia duen Lanbide Heziketako Zentro Integratu Publikoa da, eta Oarsoaldea eskualdearii ematen dio zerbitzua, nagusiki, industria-esparruaren barruan.

Erdi-mailako eta goi-mailako heziketa-zikloak, espezializazio-programak, langileei eta langabeei zuzendutako enplegurako prestakuntza, enpresentzako zerbitzuak eta eskaripeko ikastaroak eskaintzen ditugu.

Gure Ikasleen eta irakasleen garapen pertsonal eta profesionalerako berrikuntza eta aldaketa metodologikoaren aldeko apustu sendoa egiten dugu.

Nazioartekotzea da gure ildo estrategikoetako bat. Nazioartean erreferentea den zentroa izan nahi dugu. Zentro dinamikoa, berritzailea eta enpresekin, ikastetxeekin eta erakunde publiko eta pribatuekin elkarlanean aritzeagatik ezaguna. Horregatik, adi gaude gurekin lankidetzan aritzeko prest dauden zentro eta enpresekin harremanetan jartzeko, bai nazio mailan, bai nazioartean.

Ordutegia (idazkaritza): astelehenetik ostegunera 09:00-13:00 / 16:00-19:00, ostiralak 09:00-13:00.