LEKUNGARAI GAZTAK
Bertan aurkituko duzuen gazta, Oiartzungo Karrika auzoan dagoen Lekungarai baserrian ekoizten dena da. Aiako Harria parke naturalaren magalean eta Artikutza bitartean kokatuta dagoen baserria da Lekungarai.
Ardi Latxaz (bertako arraza) osatutako artaldea dugu Lekungaraikoa. Ardi hauek, hezetasun haundiko mendietan hazitakoak dira eta honek badu zerikusia egiten dugun gaztaren emaitzan.
Gure ardiak Oiartzungo mendi belardietan bizi dira. Udazken aldera erditzen hasten dira, arkumea hazi eta ondorengo esnearekin egiten ditugu gaztak. Abenduan gaztak egiten hasi eta ekaina bitartean egindako gaztak izaten dira.
Lekungarain, gure ingurua garbi ikustearen konpromezua dugu, baina zoritxarrez, artzain gutxiago geratzen dira eta mendiak gero eta zikinago daude. Horregatik eltzen diogu gogor egiten eta maitatzen dugun lanbideari.
