IIINGLES
Gure barneko ezinegon eta jakin-minak bultzatuta, 2019an Hondarribiko Psilocybe elkartean sortutako musika taldea gara.
Hasieran, emakume edota genero disidenteen presentzia duten taldeen bertsioak jotzen hasi ginen, bizi garen gizarte heteropatriarkal honetan isilarazi eta zapaldutako kolektibo eta ahotsei lekua eman eta oholtzan ikusgarri egiteko asmoz. Azken hilabeteetan, ordea, sorkuntza prozesu batean murgilduta egon ondoren, erreferente horietan oinarritutako pop-rock estiloko kanta propioak sortu ditugu, zuzenekoetan bertsioak eta kanta propioak uztartzeko asmoz.
Indar kolektibotik sortzen dugu, elkar zaintza eta konfiantza gure oinarria izanik. Oholtzan zein oholtzatik kanpo, transfeminismoa ardatz, historikoki gizon cis-ek okupatutako espazioak bereganatu, eraldatu eta eredu bizigarriagoak sortzen jarraituko dugu!
