ELIKA KOOPERATIBA
Elikakide berri, ongi etorri!
Gutun honen bitartez gure esker ona azaltzeaz gain, zuen ekarpenak proiektuan izango duen eraginaz eta Elikaren printzipio eta helburuez argibideak eman dizkizuegu.
Elika kooperatibako asteroko saskiaren kontsumitzaile bihurtzean, gure proiektuarekin bultzatzaile aktibo bihurtu zarete. Astero, Makutsoko baratzean modu ekologikoan ekoizturiko garaian garaiko produktu sorta bikain bat jasoko duzue.
Kooperatiba oinarrizko helburu garbi batekin sortu zen, Oiartzunen lurrarekiko errespetuan oinarrituriko nekazaritza jarduera duina bultzatzea.
Honela ari gara proiektua eraikitzen, 2017an gure burua aurkeztu genuen jende aurrean. Ordurako, Udala eta Behemendi erakundearekin gauzatutako elkarlanaren bitartez Makutso baserriko lurretan 5 urterako alokairuan 9.000 m2-ko lur eremua lantzen hasiak ginen.
JoritAlbaz eta Alazne oiartzuar gazteak dira bere bizitza proiektua nekazaritzarekin lotu eta baratzean profesionalki lanean arituta proiektua gauzatzen duten pertsonak. Inguruan Elikako komunitatea dago, baratzeko lanean, plangintzan, arlo ekonomikoan, kudeaketan e.a. bolondres modura esku bat botatzen dugun taldea, eta komunitate horretan kokatzen dira ere saskiaren bitartez produktuak kontsumitzen dituzuen pertsona eta familiak.
Guztion artean herrigintzan ari garela sentitzen dugu, lanpostu duinak, Amalurrarekiko errespetua, elikadura burujabetza, osasuna, bertako ekonomia, giza-harreman goxoak… bizimoduaren alderdi asko uztartu eta elikatzeko aukera ematen digu geure proiektuak. Saskian maitasunez landutako barazki bikainak jasoko dituzue eta saskia jasotzean Oiartzun hobeago bat eraikitzen ari zarete.
Horrela sinesten dugulako, ongi etorri beroa ematen dizuegu eta saskia jasotzeaz gain proiektuan bestelako bideetatik parte-hartzeko gonbidapena luzatzen dizuegu. Guztion artean Elikako leloari zentzua emanez jarrai dezagun: Herriak Elikatuz, Lurretik Mundua Iraultzen.
Informazio praktikoa
Saskia jasotzeari buruzko oharrak:
• Saskia hartzen hasten denetik gutxienez urtebeteko konpromezua eskatzen dugu.
• Uzterako garaian hilabete bat lehenagotik abisatzea eskatzen dugu, ordezkoa bilatu ahal izateko.
• Jasotzeko modua: Asteartero Makutson arratsaldeko 16:00etatik-19:00etara.
• Kostuak: Saski txikia: 33€/hilabetean Saski handia: 55€/hilabetean
• Ordainketa: kontu korrontetik zuzenean. Datuen orria bete eta baratzean entregatu.
Egin elikako kooperatibista:
• Proiektuaren garapenean zuzenean eragiteko aukera
• Produktuetan deskontuak (%5 saskitan)
Harremanetarako bideak:
• Makutsoko baratza
• elikakoop@gmail.com
• 644752437
• Elikainformatzen whatsapp taldea
Albisteak
Lurra zaindu, bertatik jasotzeko
Nekazal proiektuak dira Elika (Oiartzun) eta Lurraren Orena (Lezo). Agroekologian oinarritzen dute haien lana.
Elikak lan-eskaintza egin du
Lanaldi osoan arituko den baratzeko langile baten bila ari da kooperatiba. Interesdunak apirilaren 7ra arte jar daitezke harremanetan.
«Ezin dugu maratoi bat egin egun batetik bestera; gauza bera gertatzen da elikaduran»
Elika Eskolak haur, nerabe eta helduak “elikadura osasuntsu batean hezteko” hitzaldi ziklo bat abiatu du. Aditu hondarribiarrak dieten inguruko kezka eta mitoak argituko ditu.
